e...

sićate li se ovega, a? evo ja jutros potegnen do kaštila u butigu emmezeta ča ste mi svitovali. sve ti pari lipo u tu butigu dok samo gledaš. kad oćeš kupit dogodi ti se ovo:

- tribaju nan 4 katrige. tot jemate za vidit pustih kompleti o' kužina i sigurno 15 modeli refužo katrigi. o' svega ča smo pitali jemaju li 4 za sistem plati i nosi ništa nisu jemali. bilo je ka (pazite sad ovo, za samo 4 katrige, nismo išli kupit tenk oli aeroplan) za nikih 10 dan ćemo van dostavit. i to samo za jedan model smo se uspili tako dogovorit, za sve ostale bilo je nima i ko zna kad će bit, e...

- narafski da smo platili odma i to puno skuplji model vengo ča smo tili (jerbo ono ča oćeš ne znaju kad će bit pa si na kraju sritan da uopće jedan model jemaju i to za 10 dan). gotovinon, e... narafski, da oću račun i potvrdu da ništa iz butige vazeli nismo, vengo da će nan se dostavit, e...

- narafski da ni o' računa ni o' potvrde ništa. vozali su nas simo tamo nikoliko uri da bi na kraju rekli da ne daju ni bokun računa ni bokun potvrde. narafski da je to sve bilo puno kulture.

znači: robu ne daju, račun ne daju, a šolde daj... bogati, a nisan ja karitas, vratite nan šolde... onda su nas jopet vozali simo tamo dok smo šolde dobili nazad. još san bokunić vrimena izgubi za upis u libar o' žalbi... priporučan teplo, trčite u emmezete, kvaliteta po najnižin cinama!